Шаруаларға көктемгі егіс жұмыстарын жүргізу үшін дизель отыны дайындалды

Энергетика және ауыл шаруашылығы министрліктері көктемгі егіс жұмыстары үшін 401 мың тонна дизель отынын жеткізу кестесін бекітті, деп хабарлайды El.kz ақпарат агенттігі.

Жеткізу мерзімі – осы жылдың 1 ақпаны мен 30 маусымы аралығы. Энергетика министрлігі басшысының ақпараты бойынша, соңғы екі жылда дизель отынының бағасы литріне 228 теңге деңгейінде ұсталды, ауыл шаруашылығы тауарын өндірушілердің ҚҚС есебімен ол литріне 250 теңгеге дейін жетті. Бұл ретте жеткізу операторларының маржасы литріне 22 теңгеге жетті, бұл операциялық шығындары аз автожанармай құю стансаларына қарағанда едәуір жоғары.