Үшарал әуежайы пайдалануға берілді

“Қазақстанның авиациялық әкімшілігі” АҚ инспекторлары жасанды ұшу-қону жолағын қайта жаңартылғаннан кейін Үшарал әуежайына сертификаттық тексеру жүргізді, деп хабарлайды El.kz

Бүгінгі таңда негізгі жұмыс түрлері, оның ішінде ұшу-қону жолағын 2 700 м дейін ұзарту және рульдеу жолын кеңейту аяқталды. Жетісу облысының әкімдігі мердігерлік ұйыммен бірлесіп жоба бойынша қалған жұмыстарды іске асыруды жалғастыруда. Жүргізілген тексеру нәтижелері бойынша Үшарал әуежайына пайдалануға жарамдылық сертификаты берілді.  

Рейстерді "SCAT" әуе компаниясы "CRJ2" әуе кемелерінде (сыйымдылығы 50 орындық) жазғы маусымда әр бағыт бойынша аптасына 14 рейс жиілігімен, қалған уақытта 7 рейс орындайтын болады. Билет құны 15 000тг және 16 000 тг. Cондай - ақ Үшарал-Талдықорған бағыты бойынша "Жетісу" әуекомпаниясы ағымдағы жылдың 11 тамызынан бастап жазғы маусымда 28 рейс жиілігімен, қалған кезеңде 14 рейс орындайды.