Шахтадағы жетінші жұмысшының денесі табылды

Ұлытау облысында іздестіру-құтқару жұмыстары барысында «Қазақмыс корпорациясы» ЖШС-не тиесілі кеніштен жеті қызметкердің денесі табылды. Оның жеке басы анықталуда, деп хабарлайды El.kz ақпарат агенттігі.

Қайтыс болған жеті жұмысшылардың денелері жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды.

ТЖМ жедел штабының «жедел желісіне» 23 қоңырау келіп түскен.

Еске салсақ, 17 ақпанда  "Қазақмыс" корпорациясына тиесілі "Жомарт" кенішінде 640 метр тереңдікте тау жынысы опырылып, 7 жұмысшы үйінді астында қалды. Олардың аты-жөндері белгілі болды. 

Шахта апатына байланысты үкіметтік комиссия құрылды. Ұлытау облысының әкімдігі қаза тапқан жұмысшылардың отбасыларына қажетті қолдаудың барлығы көрсетілетінін айтты. "Қазақмыс" оқиғаның алдын ала себебін жариялады.