Шахтадағы апат: Құтқарушылар іздестіру жұмыстарын жалғастыруда

Шахтадағы апат орнында Ұлытау және Қарағанды облыстарының ТЖД күштері мен құралдары жұмыстарды жалғастыруда, деп хабарлайды El.kz ақпарат агенттігі.

ТЖМ мәліметінше, кенiштегi төтенше жағдай салдарын жоюға көмек көрсету үшін қосымша «АСС Серіктес» ЖШС құтқарушылар тобы жіберілді. Ведомствоның командалық орталығының, Ұлытау облысы ТЖД базасында және оқиға орнында жедел штабтар жұмыс істеуде. Ақпарат алу үшін «жедел желі» жұмысы ұйымдастырылды: 8 (7172) 55-96-21.

ТЖМ командалық орталығында бейнеконференциялық байланыс арқылы авариялық-құтқару жұмыстары бойынша жедел штабтардың іс-қимылдары үйлестірілді. Төтенше жағдайлардың алдын алу комитетінің төрағасы Серік Жүнісбеков, Ұлытау облысы ТЖД бастығы Есен Байыров, өнеркәсіптік қауіпсіздік комитеті төрағасының орынбасары Кеңгірбай Есенеев оқиға орнында,-делінген министрлік мәліметінде.

Еске салсақ,  17 ақпанда  "Қазақмыс" корпорациясына тиесілі "Жомарт" кенішінде 640 метр тереңдікте тау жынысы опырылып, 7 жұмысшы үйінді астында қалды. Олардың аты-жөндері белгілі болды. 

Шахта апатына байланысты үкіметтік комиссия құрылды.