Сенат төрағасы сайлауда дауыс берді

ҚР Парламенті Сенатының төрағасы Мәулен Әшімбаев сайлауда дауыс берді, деп хабарлайды El.kz ақпараттық агенттігі.

Сенат спикері Астана қаласындағы Ұлттық академиялық кітапханада орналасқан №111 сайлау учаскесінде өз таңдауын жасады.

Бүгін еліміз үшін өте маңызды күн. ҚР Парламенті Мәжіліс және мәслихат депутаттарының сайлауы өтіп жатыр. Бұл сайлау саяси реформалар кезеңінінің маңызды бөлігі. Бұл сайлаудың негізгі жаңашылдықтарының бірі - бірмандатты округ бойынша да үміткерлер қатысуы. Биылғы сайлау өте белсенді өтуде. Өздеріңіз байқағандай кандидаттардың барлығы бірдей сайлау алды үгіт насихат жұмыстарын жүргізіп, өңірлерді аралады. Бір мандатты округтер арасында да өте үлкен бәсеке болды. Еліміздегі сайлауға халықаралық ұйымдардың мүшелері байқаушы ретінде қатысуда. Олар барлық сайлау учаскелерін аралып, жұмысына баға береді. Еліміздегі сайлау халықаралық стандарттар негізінде бәсекелі түрде ашық және әділ өтетініне сенеміз,- деді Мәулен Әшімбаев.