Кездесу барысында екі ел арасындағы ынтымақтастықты нығайту және серіктестікті кеңейту мәселелері талқыланды, деп хабарлайды El.kz ақпараттық агенттігі.
Палата Спикері Қазақстан мен Израиль арасында достық пен өзара сенімге негізделген көпжақты және берік серіктестік қатынас орнағанын атап өтті. Сондай-ақ ол Израиль халқын аталған мемлекеттің тәуелсіздігіне 75 жыл толуымен құттықтады.
«Қазақстан Израильді «өркениеттер диалогын» одан әрі дамыту және әлем халықтарының мәдениетаралық ынтымағын қамтамасыз ету ісінде маңызды серіктес ретінде таниды. Біз Израильдің Бас сефард раввині Ицхак Йосеф пен Израильдің Бас Ашкенази раввині Дэвид Лауға Әлемдік және дәстүрлі діндер лидерлерінің VII Съезіне белсенді қатысқаны үшін алғысымызды білдіреміз. Съездің жұмысы халықтар арасындағы бейбітшілік пен келісімді ілгерілетуге, дінаралық диалогты дамытуға және әлемде адамгершілік құндылықтарды дәріптеуге бағытталған», деді Мәулен Әшімбаев.
Сонымен қатар Сенат Төрағасы Қазақстан Президенті Қасым-Жомарт Тоқаевтың бастамасымен елімізде іске асырылып жатқан ауқымды саяси жаңғыртулардың нәтижелеріне тоқталып өтті.
Өз кезегінде елші Қазақстанда қолға алынған қоғамдық-саяси өзгерістерді жоғары бағалады және барлық бағыт бойынша ынтымақтастықты кеңейтуге мүдделі екенін білдірді. Одан бөлек, тараптар парламентаралық өзара іс-қимылды арттырудың маңызына назар аударды.
30 Шілде, 11:07
«Грэмми» айналасындағы дау: BTS байқауға қатысудан неге бас тартты29 Шілде, 13:10
Жаңа пандемия кез келген уақытта басталуы мүмкін: ДДҰ не дейді?27 Шілде, 18:09
«Бәрі қаржыға байланысты»: Неліктен «Қайрат» еурокубоктағы матчын Түркістанда өткізеді24 Шілде, 11:39
Мадина Ералиеваға құрмет: Ерке Есмахан үш жылдық үзілістен соң сахнаға оралды