Семейде құтқарушылар бағана басындағы мысықты аман алып қалды

Семейде құтқарушылар бағанада қалып қойған мысықты аман алып түсті, деп хабарлайды El.kz ақпарат агенттігі

Семей қаласындағы "Восточный левый" саяжай қоғамдастығында ерекше құтқару операциясы өтті. Көше бойындағы бағанаға екінші қабат деңгейіне дейін шығып алған мысық өздігінен түсе алмай қалған. Оны байқаған тұрғындар бірден «112» қызметіне хабарласқан.

Жедел-құтқару жасағының қызметкерлері оқиға орнына келіп, мысыққа көмек көрсетті. Құтқарушы Ербулан Құлсынов үш иінді баспалдақтың көмегімен жануарды бағанадан аман-есен түсірді. Мысық зардап шеккен жоқ.