Семей нейрохирургтары қыздың миынан эхинококк кистасын алды

Семей қаласының 20 жастағы тұрғынын зерттеп-қарау барысында мида диаметрі 5,5 сантиметр болатын киста анықталды, деп хабарлайды El.kz ақпарат агенттігі.

Эхинококк диагнозын қойғаннан кейін дәрігерлер қызды нейрохирургия бөліміне жатқызып, диагнозды растау үшін МРТ-ға жіберді.

«МРТ диагнозы расталды. Дәрігерлер бас сүйегінің сүйек-пластикалық трепанациясын және үлкен кистаны - эхинококкты алып тастады. Киста гистологияға патанатомияға жіберілді және онда бұл эхинококк екендігі жүз пайыз расталды»,-деді Семей қаласының ЖМЖА нейрохирургия бөлімшесінің жоғары санатты нейрохирург дәрігері Төлеуғали Қойшыбаев.

Дәрігердің айтуынша, аурудың этиологиясының себебі - ауру жануарлардан адамдарға - иттерден, мысықтардан немесе түлкілерден, гигиенаны сақтамау салдарынан берілетін инфекциялық аурулар.

Төлеуғали Қойшыбаев атап өткендей, пациент қанағаттанарлық жағдайда үйіне шығарылды. Парез де, паралич те жоқ. Бастағы жара бірден тартылып, жазылды. Әрі қарай, оған тұрғылықты жері бойынша невропатолог пен инфекционисттен одан әрі бақылау ұсынылды.

Сонымен қатар операция екі сағатқа созылды және МӘМС шеңберінде тегін жүргізілді.