Сайлауда тұрғындардың белсенділігі төмен

Бұл туралы Астана қаласы «Мемлекеттік академиялық филармония» әртісі, Қазақстанның Еңбек сіңірген қайраткері Анар Мұздаханова айтты, деп хабарлайды El.kz  ақпарат агенттігі.

«Бүгін еліміздегі маңызды, айтулы және тарихи күн. Сондықтан Қазақстан азаматы ретінде дауыс беруге міндеттімін деп есептеймін. Осы елдің тұрғыны, азаматы болғандықтан, еліміздің асы мен суын ішіп отырғандықтан еліміздегі реформаларды қолдауға атсалысуымыз керек. Дегенмен бір байқағаным, тұрғындардың өткен сайлаудағыдай белсенділігін көре алмадым. Көбісі мен ешкімді танымаймын, білмеймін деп бармай қалуы мүмкін. Бірақ, бюллетендегі «барлығына қарсымын» деген нұсқаны таңдап та азаматтың құқығын мен міндетіңді орындаған жөн деп санаймын.Сондықтан еліміз үшін маңызды шаралар ұйымдастырылып жатқанда одан қалмай, міндетті түрде барып қатысу керек деп есептеймін. Өз басым әр сайлауға міндетті түрде барып қатысамын», - деді Анар Мұздаханова.