Саясат Нұрбек Study UK Alumni жеңімпаздарын құттықтады

Қазақстандағы Ұлыбритания елшісінің резиденциясында Study UK Alumni Awards марапаттау рәсімі өтті, деп хабарлайды El.kz ақпараттық агенттігі.

Бұл марапат британдық жоғары білімнің әсері мен құндылығына кұрмет көрсетіп, британдық түлектер мен олар оқыған университеттердің халықаралық беделін арттырады.

Барлық финалистерді Ғылым және жоғары білім министрі Саясат Нұрбек, баронесса Эмма Николсон, Ұлыбританияның Қазақстандағы Елшісі Кэти Лич ханым, Қазақстандағы Британ кеңесінің директоры Эрик Лори құттықтады. Ренат Бектұров «Бизнес және инновация» номинациясы бойынша 2022 жылдың жаһандық жеңімпазы атанды.

Әрбір финалист сертификат алды, ал жеңімпаздар ерекше сыйлық пен £2,000-қа тең кәсіби дамуға арналған грантқа ие болды.

Конкурс жыл сайын Ұлыбританияның жоғарғы оқу орындарында оқыған Қазақстан түлектері арасында өткізіледі.