Басты
Жаңалықтар
Руслан Берденов әкім орынбасары қызметіне тағайындалды

Руслан Берденов әкім орынбасары қызметіне тағайындалды

Асқар Таудай
Фото: Шымкент қаласы әкімдігі

Президент Әкімшілігінің келісімімен және Шымкент қаласы әкімінің өкімімен Руслан Берденов қала әкімінің орынбасары болып тағайындалды, деп хабарлайды  El.kz ақпарат агенттігі.

Руслан Берденов 1985 жылы 6 наурызда Шымкент қаласында дүниеге келген. Ұлты – қазақ. Жоғары білімі және магистрлік дәрежесі бар. Әл-Фараби атындағы Қазақ ұлттық университетін және КИМЭП университетін “Іскерлік басқару магистрі, қаржылық менеджмент маманы” мамандығы бойынша тәмамдаған.

Еңбек жолын 2007 жылы “Procter & Gamble LLP” компаниясында бастаған. 2010-2012 жылдары “EASTCOMTRANS” ЖШС-нің жылжымалы құрамды жалға беру департаментінің директоры, 2012-2018 жылдары “Ақ ниет” ЖШС-нің бас директоры, 2018-2019 жылдары “Ақ ниет” ЖШС-нің бақылау кеңесінің мүшесі, 2019-2023 жылдары “Aq Niet Group” бақылау кеңесі төрағасының орынбасары қызметтерін атқарды.

2023 жылдың наурыз айынан бастап бүгінге дейін Қазақстан Республикасы Парламенті Мәжілісінің VIII шақырылым депутаты, Қаржы және бюджет комитетінің мүшесі болды. 

тағайындау әкім орынбасары Руслан Берденов шымкент
Қысқа да нұсқа. Жазылыңыз telegram - ға

Оқи отырыңыз

{