Рио Олимпиадасындағы ең әдемі формалар

Олимпиада ойындарына әр мемлекет тыңғылықты дайындалатыны белгілі. Физикалық дайындықпен қатар бұл жарыста әр мемлекеттің киген киімдері де сынға түседі. Сонымен биыл қай мемлекеттің киім үлгісі алғашқы орында?

1 – орын

Бірінші орынды мамандар Канада мемлекетіне беріпті. Олардың киім үлгісі басқаларға қарағанда заманауи әрі өте ыңғайлы деседі.

2 –орын

Екінші орында атақты боксшыларымен белгілі Куба елі орналасқан. Қызыл түсті костюммен қара түсті шолақ шалбар спортшылардың үстінде ерекше сәнді көрінеді.

3 – орын

Қола жүлдені Оңтүстік Корея спортшылары алды. Олар жартылай классикалық үлгіде және ерекше қалпақтарымен көзге түсті.

4 –орын

Төртінші орында британдықтар. Оларды Оңтүстік Корея мемлекетінің антонимі деуге болады. Дизайнерлер Бразилия астанасында күннің ыстық екенін ескеріп, киім үлгісін барынша қысқа әрі спорттық үлгіде тіккен.

5 – орын

Үздік бестікте атақты Швеция құрамасы орналасқан. Олардың киім үлгісін атақты H&M компаниясы арнайы тіккен. Мемлекеттің символы саналатын сары түсті негізге ала отырып жасалған бұл формаға ең заманауи маталарды қолданған. 

Рустем ӘЛПИ