Ринат Зайытовқа жерлестері көлік сыйлады

Мәжіліс депутаты Ринат Зайытовқа Ақсуат халқы көлік мінгізді, деп хабарлайды El.kz ақпарат агенттігі.

Бұл туралы белгілі меценат, кәсіпкер Дулат Тастекей желідегі парақшасында жазды.

Асыл бесік – Ақсуат спорт және өнер фестивалінде Ақсуат жұрты арда ұлға құрмет көрсетіп, астына көлік мінгізді, – деп жазды Дулат Тастекей.

Желі қолданушылары «Елім деген ерге, не берсе де жарасады. Сый құрметке әбден лайықты азамат, аман болсын!», «Бірін-бірі батыр дескен, пейілдеріңнен айналдым, анадан арда туған азаматтар!», «Елім деген ер барда, ерім дейтін ел табылады», «Сыйлаған деген осы. Жарайсыздар!» деп құттықтауларын жолдап жатыр.