Ринат Зайытов: Мақатаев өлеңдері базарда, Шәмші әндері көшеде...

Мәжіліс депутаты Ринат Зайытов азаматтарға қатысты маңызды мәселелерді көтерді, деп хабарлайды El.kz ақпарат агенттігі.

Депутат Астана мен Алматы қалаларының әкімдіктеріне дауыстық жарнамаларға қатысты сауал жолдады. Ол әкімдіктердің бұл жарнамаларды тоқтатуға ниетті екенін атап өтіп, мұндай шектеулердің қаншалықты орынды екенін сұрады.

Зайытовтың айтуынша, мысалы, "Алтын Орда" базарында Мұқағали Мақатаевтың өлеңдерін оқып, кітап сататын азамат бар, оны арнайы іздеп келетіндер де жоқ емес.

Астанада бір апамыз бар. Ол Шәмшінің әндерін айтып жүреді. Алатау театрының “қазақша терапия” деген ұжымы бар. Олардың қымбат билбордтарға ақшалары жоқ. Байғұстар домбыраларын алып, метроның ішінде әндетіп жүріп, керемет әдемі көрініспен, киімдерімен жарнама жасайды, - деді ол.

Осыған байланысты депутат әкімдіккке сұрақ жолдады.

Осындай өнерпаздарға қандай шара қолданасыздар?Оларға айыппұл салу қарастырыла ма? Олар өнер көрсетуді жалғастыра ала ма?, - деді ол.