Рим папасы еліміздің Туы мен Әнұранына ерекше баға берді

Рим папасы Франциск елордадағы Әлемдік және дәстүрлі діндер лидерлерінің VII съезінің жабылу салтанатында Қазақстанның Туы мен Әнұранының ерекшелігіне тоқталды, деп хабарлайды El.kz.

Ол Қазақстан Орталық Азияның ең үлкен континентінде орналасқандықтан үлкен көпір болып отырғанын атап өтті.

«Қазақстанның Туы көк түсті. Тудан көк аспанда шарықтаған алтын түстес қыранды көруге болады. Ол дегеніміз жер бетіндегі билікті көрсетеді. Ал, Тудың түсі бостандық, еркіндік пен жігердің белгісі деп білемін. Яғни, аспан әлемінде шарықтау дегенді білдіреді. Бұл деген беделділіктің белгісі», - деді Рим папасы.

Сонымен қатар, әлемде бейбітшілік пен достықтың орнауы үшін барынша атсалысатынын атап өтті.

«Қазақстан Республикасының Әнұранында айтылғандай, «Алтын күн аспаны» деп, біз ашық аспан астында бейбіт және тату тәтті өмір сүруге талпынуымыз керек. Сол үшінде Қазақстанда өтіп отырған діндер съезінің маңызы зор», - деді Рим папасы.