Республика күні. Абай облысында 200-ден астам іс-шара өтеді

Мемлекет Басшысы Қасым-Жомарт Кемелұлы Тоқаев Ұлттық Құрылтайдың бірінші отырысында сөйлеген сөзінде республика күніне ұлттық мереке мәртебесін қайтаруды ұсынды, деп хабарлайды EL.KZ.

Биыл қыркүйек айында тиісті заңға қол қойылды. Енді Республика күні Ұлттық мерекелер тізіміне енгізілді.

Осыған байланысты Абай облысында Республика күнін мерекелеуге дайындық қарқынды жүріп жатыр.

Салтанатты және мәдени-бұқаралық іс-шаралар өткізу жоспарланған. Мереке күні облыстың орталық алаңдарында, саябақтары мен скверлерінде жаппай халықтық мерекелер, жәрмеңкелер, көрмелер, мерекелік концерттер ұйымдастырылады, - деді Абай облысының қоғамдық даму басқармасының басшысы Айдар Садырбаев.

Сондай-ақ бірқатар нысандарды ашу және жаңа қоныстанушыларға пәтер кілттерін табыстау жоспарлануда.