Ресейліктердің 74% Украинаға ядролық қару қолдануға қарсы

Ресейліктердің 74% Ресейдің Украинаға соғысы аясында ядролық қару қолдануға қарсы пікір білдірді, деп хабарлайды El.kz ақпарат агенттігі.

Бұл туралы Russian Field зерттеу компаниясына сілтеме жасай отырып РБК жазады.

Ресей азаматтарына «Украинадағы жеңіс үшін, керек болған жағдайда, ядролық қару қолданудың қажеті бар ма?» деген сұрақ қойылған.

Оқи отырыңыз:

• Айнұр Тұрсынбаеваның күйеуі ұсталды
• Қырғызстан Шүменовпен төбелескен отандасының ісін бақылауға алды

Сұралғандардың 16% ядролық қару қолдануды құптаған. Дегенмен олардың үштен бірі оны тек Ресей жеңілетін болса ғана қолдану керектігін айтқан. Респонденттердің 5% бұл сауалға жауап бере алмаса, 4% өзге жауап нұсқаларын ұсынған, ал 1% жауап беруден бас тартқан.

Зерттеу телефон арқылы жүргізілген сауалнама нәтижесіне негізделген. 16-19 маусым аралығында өткен сауалнамаға 1604 адам қатысқан.