Ресейлік шенеунік Песковтің әйелінің Алматыдағы шоуы өтпейтін болды

Алматыдағы ресейлік мәнерлеп сырғанаушы Татьяна Навканың шоуына билеттер сатылымы уақытша тоқтатылды, деп хабарлайды El.kz ақпарат агенттігі.

Бұл ақпаратты әкімдік те растап отыр.

Іс-шараны өткізу немесе тоқтату мәселесі тікелей шоу өтуі тиіс «Алматы Арена» кешенінің өкілдері мен Татьяна Навка агенттері арасындағы шарттық қатынастар саласына кіреді, - деді әкімдіктің спорт басқармасы.

Сонымен қатар «Алматы Арена» кешенінің концерт бөлімінің әкімшілігі таратқан ақпарат бойынша, ұйымдастырушылар концертті өткізбеуі мүмкін.

Оқи отырыңыз:

• Ресейден кеткен жұлдыздар. Олар қайда қоныс аударды?
• Қазақстанда «Камызякидің» концерті өтпейтін болды

«Шахерезаданың махаббат тарихы» шоуы желтоқсанның соңына жоспарланған болатын.

Татьяна Навка – ресейлік мәнерлеп сырғанаушы. Роман Костомаровпен жұптасып 2006 жылғы Олимпиада ойындарында, 2004 және 2005 жылдардағы әлем чемпионаттарында жеңімпаз атанған.

Ол Ресей президенті Владимир Путиннің баспасөз хатшысы Дмитрий Песковтің әйелі.