Ресейлік шахматшы қытайлық қарсыласын жеңді

Ресейлік Ян Непомнящий Астанада өтіп жатқан шахматтан әлем чемпионы атағы үшін матчтың екінші партиясында жеңіске жетті. Оның қарсыласы, қытайлық Дин Лижэнь 29 жүрістен кейін беріле салды, деп хабарлайды El.kz ақпарат агенттігі.

Қара түсті фигуралармен ойнаған Непомнящий 1,5-0,5 есебімен серияда алға шықты. Естеріңізге сала кетейік, жекпе-жектің бірінші партиясы тең аяқталған болатын.

Ертең гроссмейстерлер демалады. Әлемдік шахмат тәжі үшін матч 12 сәуір күні, сәрсенбіде жалғасады.

Ереже бойынша, шахматшылар жалпы саны 14 партия ойнайды. 7 ұпайдан артық жинаған спортшы әлем чемпионы атанады. Ұпай саны тең болған жағдайда қосымша партиялар болады.