Ресейден келетін көлік ағыны 20 пайызға көбейді

ҚР Қаржы министрлігінің Мемлекеттік кірістер комитеті шекарада Ресейден келген жеңіл автокөліктердің жиналуына қатысты мәліметтерді жариялады, деп хабарлайды El.kz.

Комитеттің баспасөз қызметінің деректері бойынша, биылғы 21 қыркүйектен бастап, Қазақстанға Ресейден келген жеңіл автокөлік құралдарының ағыны 20%-ке өсті.

«Осыған орай, көршілес Ресеймен шекаралас өткізу бекеттерінде жеңіл автокөлік кезектерінің жиналуы байқалады. Әсіресе осындай автокөлік кезектерінің жиналуы Ақтөбе, Атырау, Қостанай, Батыс Қазақстан облыстарында байқалады»,-делінген хабарламада.