Ресей снарядтары украин әскерінің екі бекінісін талқандады

Ресейлік әскердің зеңбірекшілері Купянск және Краснолиманск бағытында қарсы тараптың бекіністерін жойды, деп хабарлайды El.kz ақпараттық агенттігі.

РФ Қорғаныс министрлігінің баспасөз қызметінің мәліметінше, жеке құрам мен атыс күші бар жасырын бекіністі Купянск бағытында Батыс әскер тобының барлау қызметі анықтаған. Оны жою үшін «Ураган» жаппай оқ атуға арналған реактивті жүйесінің тобын пайдалану туралы шешім қабылданып отыр.

Паналайтын орыннан шыққан ресейлік артиллеристер белгіленген аумаққа дер кезінде жетіп, 220 миллиметрлі снарядтарды ұшырған. Атысты реттеу пилотсыз ұшатын аппараттардың көмегімен іске асқан. Жауынгерлік тапсырманы орындағаннан кейін артиллеристер позицияларын тез ауыстырып отырған.

Сондай-ақ Украина бекінісі Краснолиманск бағытында Орталық әскери округінің 2А65 «Мста-Б» сүйретілетін 152 миллиметрлік гаубицасының есебімен жойылған.