«Қыздарым оны көргенде, үйге қашатын». Асылымның анасы көрші қыз жайлы

Түркістан облысында денесі дәретханадан табылған 3 жасар Асылымның анасы болған жайтқа қатысты пікір білдірді, деп хабарлайды El.kz ақпарат агенттігі AzatNews ақпараттық порталына сілтеме жасап.

Асылымынң анасы берген сұхбатында қызының адам қолынан қаза тапқанын сезгенін айтады.

Бес жасар қызды әжетханаға тастағаннан кейін беті ашылып отыр. Алла сақтап, ол қыз аман қалды. Ең бастысы қыз мойындады. Тергеу процесі әлі жүріп жатыр. Жақында сот басталады. Жүрегіміз қан жылап отыр, - дейді анасы.

Ол көрші қыздың ерсі әрекеттерінен хабардар екенін айтады.

Мен сездім. Себебі ол күні бойы музыка қойып, айқайлап күлетін. Ол қызда қатыгездік көп еді. Менің балаларым жүріп бара жатқанда ұрып кететін, қыздарым оны көрген кезде үйге кіріп, ол кеткеннен кейін ғана далаға шығатын. Балам әдемі күшік әкелсе, ол күшікті де қапқа салып, ағызып жіберетін. Оның қатыгездігін білдім. Дәлел болмаған соң айта алмадым, - дейді Асылымның анасы.

Еске салайық, үш ай бұрын жоғалып кеткен үш жастағы Асылымның денесі дәретханадан табылған еді. Оның өліміне 16 жастағы көрші қыз күдікті ретінде танылды.