Қытайда әлемдегі ең биік көпір ашылды

Қытайда әлемдегі ең биік көпір көпшіліктің қолданысына беріледі. Бұл туралы CGTN телеарнасына сілтеме жасай отырып El.kz интернет порталы хабарлайды.

Ресми ашылмай тұрып-ақ рекордтық биіктігімен танылған аспалы көпір Лючжи-Аньлонг автомагистралі бойында, Қытайдың оңтүстік-батысындағы Гуйчжоу провинциясында салынды. Құрылыс Хуацзянь Үлкен каньонының үстінен өтіп, 625 метр биіктікте орналасқан.

Көпірдің жалпы ұзындығы 2,9 шақырымды құрайды, ал басты аралықтың ұзындығы 1,4 шақырымға жетіп, тағы бір рекорд орнатты. Негізгі тірек құрылымдары болаттан жасалған және жалпы салмағы шамамен 22 мың тонна болатын 93 сегменттен тұрады. Бұл салмақ екі Эйфель мұнарасына тең.

China has completed the world’s tallest bridge
📍 Huajiang Canyon
🔹 Height: 625m (2x Eiffel Tower)
🔹 Length: ~3 km
🔹 Strength tested with 96 trucks (3,360 tons) over 5 days — passed
🔹 Built in 3.5 years under extreme conditions#China #EngineeringMarvel pic.twitter.com/uA8K8NAElW

— RJ_02 (@PremKumarMeen12) September 15, 2025

Құрылысы 2022 жылдың басында басталған көпір тек аймақтың маңызды көлік артериясы ғана емес, сонымен қатар туристік нысан ретінде де қарастырылды.

Айта кетсек, көпірдің іске қосылуы жол жүру уақытын айтарлықтай қысқартады: бұрын бұл бағытпен жүру үшін шамамен екі сағат қажет болса, енді бар-жоғы екі минутта жүріп өтуге болады.

Көпірмен көлік қозғалысы қыркүйектің 28-і – жексенбі күні ресми түрде ашылады.