Қыркүйектен бастап шәкіртақы өседі

Үкімет отырысында ғылым және жоғары білім вице-министрі Талғат Ешенқұлов соңғы 5 жылда Қазақстанда гранттар саны 1,4 есеге өскенін мәлім етті, деп хабарлайды El.kz ақпарат агенттігі.

Министрдің сөзінше, 2024-2025 оқу жылына 93 116 грант бөлінді (бакалавриат – 77 084, магистратура – 13 113, докторантура - 2 919).

Сонымен қатар, биылғы жылы 1 қыркүйектен бастап білім алушылардың стипендиясының өлшемі өседі. Бакалавриат үшін стипендияның өлшемі 52 372 теңге, магистратурада 117 098 теңге және докторанттар үшін 262 500 теңгені құрайтын болады. Яғни, ағымдағы жылы бакалавриат деңгейінде стипендия көлемі 2020 жылмен салыстырғанда 2 есеге, ал магистратуражәне докторантура деңгейінде 1,75 есеге артады, – деді вице-министр Талғат Ешенқұлов.

Бұдан басқа бүгінгі таңда жатақханалардағы орын тапшылығы 2019 жылы 82 500-ден 2024 жылы 14 873-ке дейін азайғанын жеткізді.