Қыркүйекте LRT пойыздары әкелінеді – Жеңіс Қасымбек

Астана әкімі Жеңіс Қасымбек көптен бері талқыланып келе жатқан LRT құрылысы туралы Президент Қасым-Жомарт Тоқаевқа есеп берді, деп хабарлайды El.kz ақпарат агенттігі.

Ол 2024 жылдың желтоқсанында Астанада көлік жүйесін дамытуға арналған кешенді бағдарлама бекітілгенін атап өтті. Автокөліктер ағынының ұлғаюы жағдайында бағдарламада қоғамдық көлікті дамытуға, жолдардың өткізу қабілетін арттыруға, жаңа көпірлер салуға, автотұрақ орындарының жұмысын жетілдіруге басымдық берілген.

Қала маршруттарына күн сайын 1600-ден астам автобус шығады. Екі жыл ішінде елордадағы қоғамдық көлік паркі 45%-ға жаңартылды. Сіздің қолдауыңыздың арқасында LRT жобасы мәреге жақындап келеді. Жазда құрылыс жұмыстары толық аяқталады. Қыркүйекте алғашқы пойыздар жеткізіліп, кейін қарқынды сынақ жұмыстары басталады. Қалада заманауи, жайлы әрі экологиялық келбетті қалыптастыру бойынша белсенді жұмыстар жалғасып жатыр, – деді қала әкімі Жеңіс Қасымбек.