Басты
Жаңалықтар
Әлем
Қырғызстан премьер-министрі қызметінен босатылды

Қырғызстан премьер-министрі қызметінен босатылды

Зарина Арман
Фото: Жогорку Кенеш

2024 жылғы 16 желтоқсанда Қырғызстан министрлер кабинетінің төрағасы – президент әкімшілігінің басшысы Ақылбек Жапаров өз еркімен қызметінен кету туралы өтініш берді, деп хабарлайды El.kz ақпарат агенттігі.

Оның отставкасы бүгін қабылданды. Қазіргі уақытта министрлер кабинетін кім басқаратыны туралы ресми ақпарат жоқ.

Ақылбек Жапаров 2021 жылдың 13 қазанында министрлер кабинетінің төрағасы және президент әкімшілігінің басшысы болып тағайындалған еді. Ол осы қызметте үш жыл бойы жұмыс істеп, елдің экономикалық дамуына және мемлекеттік басқару жүйесіне елеулі үлес қосты.

Жақында, 2024 жылдың қараша айында, Қырғызстан президенті Садыр Жапаров мектеп мұғалімдерін сапалы ноутбуктермен қамтамасыз ете алмағаны үшін Ақылбек Жапаровқа және бірқатар лауазымды тұлғаларға сөгіс жариялаған болатын.

Сонымен қатар, 2024 жылдың желтоқсан айының басында Ақылбек Жапаров Дүниежүзілік банктің бас экономисімен Қырғызстанның экономикалық өсу болжамдары бойынша пікірталасқа түскен еді.
Қырғызстан Премьер-Министр
Қысқа да нұсқа. Жазылыңыз telegram - ға

Оқи отырыңыз

{