Қырғыздар Қазақстанға су беруді тоқтата ма? Садыр Жапаров мәлімдеме жасады

Биыл Қырғызстанда суармалы су тапшылығын шешу үшін бассейндер салынады, бұл көрші елдерді де сумен қамтамасыз етуге жағдай жасайды. Бұл туралы Қырғыз республикасының Президенті Садыр Жапаров мәлімдеді, деп хабарлайды El.kz ақпарат агенттігі Kazinform тілшісіне сілтеме жасап.

Садыр Жапаров Қырғызстан қыста электр қуатын өндіру үшін Токтогул су электр стансасын пайдаланатынын, алайда елді электр қуатымен қамтамасыз ету үшін жазда келесі қысқы кезеңге суды үнемдеу үшін оны тоқтатуға тура келетінін атап өтті. Олар осы мәселелерді шешу үшін жұмыс істеп жатыр.

Біз өзімізді ғана емес, көршілерімізді де ойлаймыз. Мәңгілік көрші болған соң, ең маңызды мәселелерді ойлауымыз керек. „Су басында болып, су бермейміз“ деп айту әбестік. Бәріміз бауырлас халықпыз, мәңгі көршіміз және бір-бірімізге тәуелдіміз. Барлығын тізбей-ақ қояйын, мұны халық жақсы біледі, — деп түйіндеді ол.