Құтқарушылар тауда адасқан тағы бір туристі тапты

Алматыда құтқарушылар тауда адасқан тағы бір ер адамды тапты, деп хабарлайды El.kzақпарат агенттігі.

ТЖМ мәліметінше, 23 тамызда Іле Алатауы Қарғалы өзенінің бойында Үшқоңыр және Жайлау шатқалдарының арасында 3 адам демалып жүрген.

Олардың біреуі - 1991 жылы туған ер адам өзен бойымен жоғары көтерілуге бел байлап, қайта оралмаған. Келесі күні достары құтқарушылардың көмегіне жүгінді.

ҚР ТЖМ Республикалық жедел-құтқару жасағының тобы оқиға орнына жедел келіп, тәуліктің қараңғы уақытына және дауылды желге қарамастан туристі іздестіруге кірісті. 12 сағаттық іздестіру жұмыстарынан кейін 25 тамызға қараған түні құтқарушылар ер адамды тапты, - делінген мәліметте.

Құтқарылған адам медициналық көмекке мұқтаж болмады.