Құтқарушылар ММА бойынша әлем чемпионы атанды

Төтенше жағдайлар министрлігінің қызметкерлері батылдық, рух пен кәсібилік құтқарушылардың ажырамас қасиеттері екенін тағы да дәлелдеді, деп хабарлайды El.kz ақпарат агенттігі.

Ведомство мәліметінше, Индонезияның Джакарта қаласында өткен "GAMMA" ММА әлем чемпионатында  құтқарушылар Ерназ Мұсабек, Мансур Шахгереев және Сайран Сағындықов алтын медальға ие болды. Анас Нұркеш күміс жүлдеген қол жеткізсе, Әділ Сұлтанбековке қола жүлде бұйырды. Бұдан өзге тағы үш спортшымыз Қазақстан Республикасының Еңбек сіңірген спорт шеберінің нормативтерін орындады.

Әлем чемпионатында еліміз бен ТЖМ намысын қорғау - мен үшін үлкен мәртебе. Бүгінгі жетістігіміз ең алдымен, біздің министріміз генерал-майор Шыңғыс Әріновтың қолдауының нәтижесі. Құтқарушының жұмысы бізден тек күш пен мықтылықты ғана емес, сонымен қатар ақыл — ой мен төзімділікті талап етеді. Біз, құтқарушылар, күн сайын қызметте де, спорттық аренада да күш пен рухтың шегі жоқ екенін дәлелдедік", - деді әлем чемпионы Ерназ Мұсабек.