Құтқарушылар ерекше балаларға қауіпсіздік сабағын өткізді

Алматы қаласының құтқарушылары тірек-қимыл аппараты бұзылған балаларға арналған №2 мектеп-интернатының тәрбиеленушілерімен кездесу өткізді. Іс-шара Төтенше жағдайлар министрлігінің 30 жылдығына арналған «30 қайырымды іс» республикалық акциясы аясында ұйымдастырылды, деп хабарлайды El.kz интернет порталы.

Балалар үшін қауіпсіздік негіздері бойынша қызықты тренинг ұйымдастырылып, балалар құтқарушылардың  өрт болған жағдайда не істеу керек, «дабыл сөмкесіне» не салу қажет және шұғыл қызметтердің нөмірлері туралы сұрақтарына белсенді жауап берді.

Ерекшелігі бар балаларға қамқорлық — бұл бір реттік іс-шара емес, бұл қоғамды мейірімді әрі мықты ететін жүйелі жұмыс, - деп атап өтті Іс-шараға қатысқан ТЖ министрінің инклюзия мәселелері жөніндегі кеңесшісі Меруерт Құлахметова.

Кездесу соңында ерекше балаларға естелік сыйлықтар табысталды.