«Құшақтасайық»: Еріктілер ұйымдастырған акция астаналықтарды қуантты

Республика күні қарсаңында елорда көшелерінде «Астана Жастары» еріктілері ерекше акция ұйымдастырып, Отанға деген сүйіспеншілігін құшақпен білдірді, деп хабарлайды El.kz ақпарат агенттігі.

Еріктілер қала көшелеріне «Әр құшақта - Отанға деген махаббат» деген жазуы бар тақтайшамен шықты. Астана тұрғындары ерекше акцияны жылы қабылдап, құшақтасып, қуанышын білдірді.

Осылайша, еріктілер Отанға деген сүйіспеншілігін, жылулық пен патриотизмді білдірді.

Айта кетейік, іс-шара қарсаңында белсенділер «Мейірімді қала» акциясы аясында челлендж өткізіп, шоколад таратқан болатын.

Осындай іс-шаралар арқылы еріктілер тұрғындарды игі істер жасауға шақырады.