Құрылтай жалпыхалықтық институтқа айналды - Кәрімбек Құрманәлиев

ҚР Ұлттық ғылым академиясының академигі, филология ғылымдарының докторы, профессор Кәрімбек Құрманәлиев Ұлттық құрылтайдың рөлі туралы айтты, деп хабарлайды El.kz ақпарат агенттігі.

Ол президент Қасым-Жомарт Тоқаевтың бастамасымен Ұлттық құрылтай құрылып, бүгінде құрылтай алаңы мемлекетіміздің ең маңызды мәселелерін талқылайтын алаңға айналғанын жеткізді.

Құрылтай жалпыхалықтық институтқа айналды. Өйткені әркім өзінің ұсынысын еркін жеткізе береді. Қазір құрылтайдың мобильді қосымшасына түскен ұсыныстардың негізінде сол пленарлық отырыстың күн тәртібі анықталады. Керемет емес пе!? Халықтың сөзі билікке жетеді деген сөз емес пе. Президентіміздің халық үніне құлақ асатын мемлекет деген концепциясын іс жүзінде жүзеге асыру осы ұлттық құрылтай институты арқылы іске асып жатқаны жасырын емес,- деді Кәрімбек Құрманәлиев.