Қуандық Бишімбаевты ақтағысы келетіндер туралы хабарланды – Динара Зәкиева

Бала құқықтары жөніндегі уәкіл Динара Зәкиева бұрынғы министр Қуандық Бишімбаевты ақтап шығуға бағытталған әрекеттер жасалып жатқанын мәлімдеді, деп хабарлайды El.kz ақпарат агенттігі.

Қазір Салтанат Нүкенованың ісі бойынша соталды немесе сот барысында сотталушыны ақтау мақсатында фактілерді әдейі бұрмалауға әрекет жасалатыны туралы ақпарат бар. Кейбір адамдар осы медиа науқанға кірісіп кеткен, – деп жазды Динара Зәкиева өзінің әлеуметтік желідегі парақшасында.

Оқи отырыңыз:

• «Ағасына көмектескен». Бишімбаевтың бауыры қанша жылға қамалады
• Қуандық Бишімбаев изоляторда кімдермен отыр? Министр жауап берді

Ол сот процесін жіті бақылауында ұстайтынын алға тартты.

Әрине, зорлық-зомбылыққа қарсы күресте бізге қатаң заң қажет. Ел президентінің тапсырмасына сәйкес, депутаттар, мемлекеттік органдармен бірігіп қыркүйек айының басында заң жобасын дайындадық, қазір ол Мәжіліс қарауында. Мемлекет басшысы зорлық-зомбылыққа қарсы күрестің басты факторы ретінде қоғамда агрессия мен зорлық-зомбылықтың кез келген түріне «нөлдік төзімділікті» дамыту, «заң және тәртіп» қағидатын ұстану болуы тиіс екенін атап өтті. Бұл әрқайсымызға байланысты, – деді Зәкиева.

Естеріңізге сала кетейік, 9 қарашада бұрынғы ұлттық экономика министрі Қуандық Бишімбаевтың өз әйелі Салтанат Нүкенованы ұрып-соғып, салдарынан ол көз жұмғаны туралы ақпарат тарады. Көп ұзамай Бишімбаевтың ұсталғаны расталды.