Қостанайда құтқарушылар қауіпсіздік бойынша рейд жүргізді

Қостанайлық құтқарушылар мен еріктілер мұздағы қауіпсіздік бойынша рейд жүргізді, деп хабарлайды El.kz ақпарат агенттігі.

Мұздағы жазатайым оқиғалардың алдын алуға бағытталған "Мұз-2024" республикалық акциясы аясында облыс тұрғындары мен қонақтарына қысқы балық аулаудың қауіптілігі мен қауіпсіздік ережелерін сақтаудың маңыздылығы туралы тағы еске салды.

Құтқарушылар балықшыларға мұздың қалыңдығын дұрыс өлшеуді, сәтсіздікке ұшыраған жағдайда не істеу керектігін және зардап шеккендерге көмек көрсетуді үйретті. Бірнеше құқық бұзушылар әкімшілік жауапкершілікке тартылды.

Бұл ретте ТЖМ бір адам үшін мұздың ең аз қауіпсіз қалыңдығы кемінде 10-15 см екенін еске салып отыр.