Қостанай облысында қар құрсауында қалған жүргізуші құтқарылды

Қостанай облысында жаңа жыл түні құтқарушылар қар құрсауында қалған жүргізушіні құтқарып алды, деп хабарлайды El.kz ақпарат агенттігі. 

Төтенше жағдайлар министрлігінің (ТЖМ) мәліметінше, оқиға Қарасу ауылынан 10 шақырым жерде болған. Жеңіл автокөлік қар құрсауында қалып, қозғалысын жалғастыра алмаған.

1995 жылы туған азамат көмек сұрап 112 нөміріне хабарласқан. Қиын ауа райы жағдайына қарамастан, құтқарушылар жол талғамайтын арнайы техникамен дереу жетіп, көлікті қардан шығарды және тазартылған жол учаскесіне сүйреп жеткізді. Жүргізушіге медициналық көмек қажет болмады, – делінген хабарламада.

ТЖМ қазақстандықтарды ауа райы болжамын назарда ұстауға және қолайсыз ауа райында елді мекендерден тыс жерлерге шықпауға шақырады.