Қостанай облысында бір үйдің үш баласы иіс тиіп қайтыс болды

Қостанай облысындағы Тасты ауылдық округіндегі Қарынсалды ауылында үш бала және олардың атасы иіс тиіп, қайтыс болды, деп хабарлайды El.kz ақпарат агенттігі.

Қайғылы оқиға 17 қарашада түскі уақытта болған. Екі, үш және 8 жастағы үш бала мен олардың 67 жастағы аталары қайтыс болған. 

Балалардың әкесі мен анасы және төрт жасар бала Арқалықтағы ауруханаға жеткізілген. Олар аз қамтылған отбасына жатқан. Әкелері жергілікті мектепте өртсөндіруші болып жұмыс істейді екен. 

Еске салайық, күні кеше Астана қаласында өрттен төрт бала көз жұмған еді.