Қостанай облысында адасып кеткен малшы табылды

Қостанай облысында адасып кеткен малшы табылды, деп хабарлайды El.kz ақпарат агенттігі.

Оның жоғалғаны туралы бүгін таңертең мәлім болды. 1967 жылы туған ер адам кеше таңертең Жангелдин ауданының Шеген ауылына қарай қой іздеуге шыққан. Қатты тұман түріндегі қолайсыз ауа-райына байланысты малшы бағдарын жоғалтып, адасып кетті. Оның байланыс құралы болған жоқ. ️

Іздестіруге құтқарушылар, полиция және ЖАО қызметкерлері шықты. Құтқарушылар аз уақытта ер адамды тауып алды. Ол медициналық көмекке мұқтаж болған жоқ.