Қосшыда тұрғын үйдің отын жағу бөлмесі өртенді

Қосшыдағы Тайтөбе ауылында жеке тұрғын үйдің отын жағу бөлмесі жанып кетті. Қызыл жалын шатырға өткен, деп хабарлайды El.kz ақпарат агенттігі. 

101 қызметіне өрт туралы хабарлама 21 маусымда сағат 21.40-те түскен.

Оқиға орнына дереу Ақмола облысы ТЖД жеке құрамынан 7 құтқарушы және 2 техникасы және Астана ТЖД жеке құрамынан 9 құтқарушы және 2 техникасы жетті.

Өрт сөндірушілердің шұғыл әрекеттерінің арқасында өрттің таралуына жол берілмеді. 

Қызыл жалын сағат 22.30-те оқшауланып, сағат 23.09-де толығымен сөндірілді.

Құрбандар мен зардап шеккендер жоқ. Қазіргі таңда мамандар өрттің шығу себебі анықтап жатыр.