Қордайдағы цемент зауытында 500-ден астам жұмыс орны ашылады

Жамбыл облысы Қордай ауданындағы цемент зауытында 500-ден астам жұмыс орны ашылады. Кәсіпорынның жалпы өндіріс қуаты – жылына 1,5 млн тонна цемент, деп хабарлайды El.kz ақпарат агенттігі.

Өнімдер ішкі нарықта сатылады, сонымен қатар Өзбекстанға, Ресейге және Қырғызстанға экспортталады. Бүгінгі таңда өндіріске 50 млрд теңге инвестиция салынып, 260 жұмыс орны ашылды. Жыл соңына дейін негізінен жергілікті тұрғындар үшін тағы 280 жұмыс орны ашылады.

Жалпы өндіріс қуаты – жылына 1,5 млн тонна цемент. Бүгінгі таңда 50 млрд теңге игерілді. Осы жылдың бірінші, екінші тоқсандарында 260 жұмыс орны ашылды. Төртінші тоқсанның соңына дейін негізінен Қордай ауданының тұрғындарына арналған 280 жұмыс орны ашылады, — деді «KORCEM» ЖШС бас директорының көмекшісі Тимур Кузубаев.