Қордайда қарлы боран кезінде 18 адам құтқарылды

Жамбыл облысы Қордай ауданында қарлы боран кезінде қар құрсауында қалып қойған 18 адам құтқарылды, деп хабарлайды El.kz ақпарат агенттігі.

18 ақпанда түнде сағат 01.30-дан 03.40-қа дейін Қордай ауданында республикалық маңызы бар автомобиль жолының жабық учаскесінде ТЖД, 28123 әскери бөлімі және "ҚазАвтоЖол" АҚ қызметкерлерінің күштерімен қар құрсауында қалған 5 жеңіл көлік қар құрсауынан шығарылған. Онда 18 адам  құтқарылып, Кенен ауылының жылыту пунктіне жеткізілді.

Еске салсақ, бұған дейін Жетісу облысының ТЖД қызметкерлері «Сарыөзек-Көктал» облыстық автожолында қар құрсауында қалған 67 азаматты эвакуациялап, жылыту пунктіне жеткізген болатын.

Оқи отырыңыз: 

• Боранда жолда қалып қойған жүкті әйел мен 2 бүлдіршін құтқарылды 
• Түркістан облысында боранда жоғалған екі азаматтың бірі өлі табылды