Ақтөбе қалалық сотында «Жеңілдетілген депозит» қаржы пирамидасының ұйымдастырушыларына қатысты сот үкімі жарияланды, деп хабарлайды El.kz ақпараттық агенттігі соттың баспасөз қызметіне сілтеме жасап.
Қаржы пирамидасын құрды деген айыппен 6 адамнан құрылған қылмыстық топ қамауда отыр.
«Іс материалдарына сәйкес, жауапкер А. 2019-2020 жылдары ұйымдасқан топты, сондай-ақ қаржы пирамидасын «Пайдалы депозит» ЖШС, яғни жеке және заңды тұлғалардан ақша тарту арқылы табыс әкелетін ұйым құрып, оны басқарған. Бұл ұйым салымшыларға басқа азаматтардың ақшалай жарналары есебінен кіріс алуға уәде берген. Жалпы шығын 4 миллиард теңгеден асады, ал оның ішінде 700-ден астам адам зардап шеккен. Еліміздің үш облысында қылмыстық құқық бұзушылықтар жасалды. Сотталушылар кінәсін мойындаудан бас тартты, келтірілген залал өтелмеді», деп хабарлады соттың баспасөз қызметінен.
Сот қаржы пирамидасының басшысын 7 жыл мерзімге коммерциялық және қаржылық ұйымдарда басшылық қызмет атқару құқығынан айыра отырып, 10 жылға бас бостандығынан айырды.
Қылмыстық топтың қалған бес мүшесі 7 жыл мерзімге коммерциялық және қаржылық ұйымдарда басшылық қызмет атқару құқығынан айырылып, 8 жылға сотталды.
28 Қыркүйек, 15:55
Аутизм диагнозы қойылған әлемге танымал адамдар13 Қыркүйек, 13:28
Қаскелең мен Шамалған атауы қайдан шыққан? Жоңғар қолбасшылары туралы аңыз11 Қыркүйек, 12:07
Бала көргенін қайталайды: танымал мультфильмдерді көрсеткенде ата-ана нені ескеруі керек11 Қыркүйек, 09:00
«Ұял» дегенде бетін басады: Челси есімді ит қазақша бұйрықтарды қалай үйренді?