Қажылыққа баратындар үшін жаңа талаптар жарияланды

Келер жылы Сауд Арабия Корольдігіне қажылыққа және умраға баратын азаматтарға арналған денсаулық сақтау талаптары мен ұсыныстар бекітілді. Бұл жөнінде Кавказ мұсылмандары басқармасы (УМК), деп хабарлайды El.kz интернет порталы.

Құжат Сауд Арабиясының Денсаулық сақтау министрлігі тарапынан әзірленіп, қажылық және умра сапарын өтейтін азаматтардың санитарлық қауіпсіздігін қамтамасыз ету мен жұқпалы аурулардың алдын алу мақсатында қабылданған.

Жалпы талаптар

Қажылыққа барушылардың денсаулығы мен қауіпсіздігіне ерекше көңіл бөлінеді. Осыған байланысты жұқпалы немесе қоғамға қауіп төндіретін аурулары бар адамдарға қажылыққа баруға кеңес берілмейді.

Сондай-ақ қажылықтан төмендегі азаматтар бас тартуы ұсынылады:

• жүрек, өкпе, бүйрек секілді созылмалы аурулары барлар;

• орталық жүйке жүйесінің ауруларына шалдыққандар (мысалы, инсульт салдары барлар);

• қант диабетімен, иммунитет тапшылығымен немесе басқа да иммундық жүйесі әлсіреген азаматтар;

• жүкті әйелдер, балалар және қарт адамдар;

• онкологиялық аурулары бар немесе химиотерапия қабылдап жүргендер.

Жұқпалы аурулардың алдын алу шаралары

Сауд Арабиясына қажылыққа немесе умраға баратын азаматтарға COVID-19-ға қарсы вакцинациядан өту талабы қойылуы мүмкін.

• Вакцина Сауд Арабиясында мақұлданған препараттардың бірі болуы тиіс.

• Егілген күннен кейін кемінде 10 күн өтуі, ал вакцина 12 айдан аспайтын мерзімде салынуы қажет.

• Эпидемиологиялық жағдайға қарай қосымша санитарлық талаптар енгізілуі мүмкін.

Міндетті және ұсынылатын екпелер

a) Менингококк инфекциясына қарсы екпе (ACWY):

• Барлық қажылар үшін міндетті.

• Төрт валентті вакцина (ACWY) қолданылуы тиіс.

• Екпе қажылыққа барудан кемінде 10 күн бұрын, бірақ 3 жылдан ерте емес мерзімде жасалуы қажет.

• Қажы міндетті түрде халықаралық вакцинация сертификатын көрсетуі тиіс.

b) Ұсынылатын екпелер:

• маусымдық тұмауға қарсы (influenza);

• сары қызба мен полиомиелитке қарсы, егер қажы осы аурулар жиі кездесетін елден келсе.

Шекаралық және медициналық бақылау

Сауд Арабиясына кіретін қажылар медициналық тексеруден өтуі мүмкін.

• Кіру кезінде вакцинация сертификаттары мен медициналық құжаттар тексеріледі;

• Қажет болған жағдайда қосымша санитарлық шаралар қабылданады.

Денсаулықты сақтау бойынша жалпы кеңестер

• Жеке гигиенаны және тамақтану қауіпсіздігін сақтаңыз;

• Жылу мен сусыздықтың алдын алу үшін жеткілікті су ішіңіз;

• Демалыс пен ұйқы режимін ұстаныңыз;

• Адам көп жиналатын жерлерде медициналық маска қолданыңыз;

• Денсаулықта өзгеріс байқалса, дереу дәрігерге жүгініңіз;

• Қажылық жетекшілерінің және медициналық персоналдың нұсқауларын орындаңыз.

Сауд Арабиясының Денсаулық сақтау министрлігі алдағы уақытта жаңа халықаралық эпидемиологиялық жағдайға сәйкес қосымша талаптар немесе екпе түрлерін енгізуі мүмкін.
Барлық өзгерістер Дүниежүзілік денсаулық сақтау ұйымының (ДДСҰ) ұсынымдарына сүйене отырып жаңартылып отырады.