Қазгидромет: 23 қарашада қар, бұрқасын, көктайғақ болады

23 қарашаға арналған ауа райында синоптиктер жауын-шашын мен қар жауатынын болжады, деп хабарлайды El.kz «Қазгидромет»-ке сілтеме  жасап.  
Республикада тұман, көктайғақ күтіледі, батыста, шығыста, оңтүстік-шығыста жел күшейеді, Қазақстан Республикасының шығысында, солтүстік-батысында – қарлы боран болады.
Жетісудың таулы және тау бөктеріндегі аймақтарында, Алматының оңтүстігінде және таулы аймақтарында, солтүстік-шығыста, Жамбыл облысының таулы аймақтарында қатты жауын-шашын (жаңбыр, қар), солтүстікте, шығыста жауын-шашын (жаңбыр, қар) күтіледі. Шығыс Қазақстан, Абай облысының оңтүстігінде қалың қар жауады.
Астанада – көшпелі бұлтты, түнде аздаған қар жауады. Шығыстан соғатын жел 2-7 м/с. Ауа температурасы түнде 15-17, күндіз 12-14 аяз.
Алматыда күн бұлтты, жауын-шашын, кей уақытта қатты (негізінен жаңбыр), тұман түседі. Жел 3-8 м/с. Ауа температурасы түнде 2-4, күндіз 5-7 жылы.
Шымкентте – көшпелі бұлт шығады, түннің бірінші жартысында жаңбыр жауады. Түнде және таңертең тұман. Оңтүстік-шығыстан 5-10 м/с жел соғады. Ауа температурасы түнде 3-5, күндіз 14-16 жылы.