Қазгидромет: 13 қаңтарда бірқатар өңірде ауа райы бұзылады

13 қаңтарда ауа райының өзгеруіне байланысты бірнеше облыста ескерту жарияланды, деп хабарлайды El.kz Қазгидрометке сілтеме жасап.

Ақмола облысында  бұрқасын болады деп отыр. Батыстан, оңтүстік-батыстан жел соғып, екпіні 15-20 м/с артады.

Маңғыстау облысында оңтүстік-шығыстан жел соғып, облыстың батысында екпіні 25 м/с күшеюі мүмкін.

Абай облысынның солтүстігінде, орталығында жаяу бұрқасын күтіледі. Жел оңтүстіктен, оңтүстік-батыстан соғады, облыстың батысында, солтүстігі мен орталығында екпіні 25 м/с жетеді.

Шығыс Қазақстан облысының солтүстігінде жаяу бұрқасын болжанады. Жел оңтүстік-шығыстан, оңтүстіктен соғып, жылдамдығы 15-20 м/с құрайды.

Солтүстік Қазақстан облысының солтүстігі мен шығысында жаяу бұрқасын күтіледі. Батыстан соғатын желдің күші облыстың солтүстігі мен шығысында 15-20 м/с құрайды.

Павлодар облысында бұрқасын соғады. Оңтүстік-батыстан жел соғып, облыстың батысы мен оңтүстігінде екпіні 15-20 м/с жетеді.

Қарағанды облысының солтүстігі мен шығысында жаяу бұрқасын күтіледі. Оңтүстік-батыстан, батыстан соғатын желдің жылдамдығы солтүстік пен шығыста 15-20 м/с құрайды.

Жамбыл облысының оңтүстігі мен таулы аудандарында тұман болады. Желдің күші – 15-20 м/с. Түнде өңірдің басым бөлігінде 30-33 градус қатты аяз болатыны ескертілді.

Түнде Түркістан облысының басым бөлігінде 25-27 градусқа дейін аяз күтілуде.

Түнде Шымкент қаласында 25 градус қатты аяз болады.