Қазақстанның үш облысында жолдар жабылды

«ҚазАвтоЖол» ауа райының нашарлауына байланысты республикалық маңызы бар автожолдардың 4 учаскесінде барлық көлік түрі үшін жол жабылғанын мәлімдеді, деп хабарлайды El.kz ақпарат агенттігі.

Абай облысы:

- «Алматы-Өскемен-Шемонаиха-РФ шекарасы» автожолының 778-967 шақырым аралығындағы учаскеде (Аягөз қаласынан Қалбатау ауылына дейін) жүк және қоғамдық көліктердің қозғалысына шектеу қойылды.

Жолды 2025 жылғы 30 қаңтар сағат 08:00-де ашу жоспарланған.

Қарағанды облысы:

- «Қызылорда-Жезқазған-Қарағанды-Шідерті-Павлодар» автожолының 788-906 шақырым аралығындағы учаскеде (Ұлытау облысының шекарасынан Топар ауылына дейін) көліктің барлық түрінің қозғалысына шектеу қойылды.

Жолды 2025 жылғы 30 қаңтар сағат 06:00-де ашу жоспарланған.

Ұлытау облысы:

- «Қызылорда-Жезқазған-Қарағанды-Шідерті-Павлодар» автожолының 433-788 шақырым аралығындағы учаскеде (Жезқазған қаласынан Қарағанды облысының шекарасына дейін) көліктің барлық түрінің қозғалысына шектеу қойылды.

Жолды 2025 жылғы 30 қаңтар сағат 06:00-де ашу жоспарланған.

ТЖМ азаматтарға қауіпсіздік шараларын сақтауға кеңес береді.