Қазақстанның үш мегаполисінде ауа райы күрт өзгереді

Алдағы бес күнде Астана, Алматы және Шымкент қалаларында ауа райы күрт суытады. Күннің қалыптан тыс жылынуы жаңбыр мен қарға ұласып, түнде ауа температурасы -4°C-қа дейін төмендейді.

Әсіресе Алматыда күн райы айтарлықтай өзгереді. Мұнда ауа температурасы +22°C-тан +3...+5°C-қа дейін төмендейді.

Астана

9 қараша. Көшпелі бұлтты, кей уақытта жаңбыр жауады. Түнде +4...+6°C, күндіз +9...+11°C. Желдің жылдамдығы 9–14 м/с, екпіні 15–20 м/с-қа дейін жетеді.

10 қараша. Көшпелі бұлтты, кей уақытта негізінен қар түрінде жауын-шашын түседі. Түнде және таңертең тұман болады. Түнде -1...-3°C, күндіз 0...+2°C.

11 қараша. Көшпелі бұлтты, кей уақытта қар жауады. Түнде және таңертең тұман түседі. Түнде -2...-4°C, күндіз 0...+2°C.

12 қараша. Түнде және таңертең қар жауып, жаяу бұрқасын мен көктайғақ күтіледі. Күндіз жауын-шашынсыз. Түнде -2...-4°C, күндіз 0...+2°C.

13 қараша. Көшпелі бұлтты, жауын-шашынсыз. Түнде -2...-4°C, күндіз +1...+3°C.

Алматы

9 қараша. Көшпелі бұлтты, жауын-шашынсыз. Түнде +10...+12°C, күндіз +20...+22°C.

10 қараша. Түнде жауын-шашынсыз, күндіз кей уақытта жаңбыр жауады. Түнде +10...+12°C, күндіз +18...+20°C. Желдің екпіні 15–20 м/с-қа дейін күшейеді.

11 қараша. Бұлтты, кей уақытта қатты жауын-шашын күтіледі, негізінен жаңбыр жауады. Түнде де, күндіз де +5...+7°C.

12 қараша. Бұлтты, кей уақытта жаңбыр мен қар аралас жауын-шашын түседі. Түнде 0...+2°C, күндіз +3...+5°C.

13 қараша. Көшпелі бұлтты, жауын-шашынсыз. Түнде -1...-3°C, күндіз +5...+7°C.

Шымкент

9 қараша. Көшпелі бұлтты, түнде жауын-шашынсыз, күндіз жаңбыр жауады. Түнде +13...+15°C, күндіз +18...+20°C. Желдің екпіні 15–20 м/с-қа дейін жетеді.

10 қараша. Көшпелі бұлтты, кей уақытта жаңбыр жауады. Түнде +7...+9°C, күндіз +13...+15°C.

11 қараша. Көшпелі бұлтты, кей уақытта жауын-шашын күтіледі. Түнде де, күндіз де +4...+6°C.

12 қараша. Көшпелі бұлтты, жауын-шашынсыз. Түнде -1...-3°C, күндіз +5...+7°C.

13 қараша. Көшпелі бұлтты, жауын-шашынсыз. Түнде +1...+3°C, күндіз +7...+9°C.

Ауа температурасының күрт төмендеуіне байланысты тұрғындарға жылы киініп, жолдағы көктайғақтан сақ болу ұсынылады. Әсіресе Астанада қар, бұрқасын және көктайғақ, ал Алматыда жаңбырдың қарға ұласуы жол қозғалысын қиындатуы мүмкін.

Бұған дейін «Қазгидромет» Алматы, Астана және еліміздің басқа да бірқатар қалаларының тұрғындарына ауа райының қолайсыздығы туралы ескерту жасаған.