Қазақстанның Тұңғыш Президенті Еуропалық кеңестің төрағасы Дональд Тускпен кездесті

Нұрсұлтан Назарбаев Қазақстан мен Еуропа одағы арасындағы қарым-қатынас жоғары деңгейде дамып келе жатқанын атап өтті.

– Біз бірнеше рет кездестік. Сіз төраға болған кезде Еуропа одағы мен Қазақстан арасында кеңейтілген әріптестік және ынтымақтастық туралы келісімге қол қойылды. Биыл осы құжатты ратификациялау рәсімі аяқталады. Жалпы, қарым-қатынасымыздың келешегі жарқын, – деді Елбасы.

Дональд Туск Нұрсұлтан Назарбаевтың Қазақстанды қалыптастыру және өркендету, сондай-ақ еліміздің халықаралық беделін нығайту ісіндегі рөлін атап өтті.

– Сіз осы өңірде ерекше және маңызды рөл атқарасыз. Сізбен жүздескеніме қуаныштымын. Сіздің билік транзитіне қатысты ойға қонымды әрі жауапты ұстанымыңызды жоғары бағалаймын. Менің ойымша бүкіл Еуропа осы қадамыңызға тәнті болды. Демократия жағдайында кімнің президент болатынын білу оңай емес. Бірақ, Сіз айқындаған бағытты жалғастыру үшін кандидатыңыздың толық мүмкіндігі бар, – деді Еуропалық кеңес төрағасы.

Қазақстан Республикасының Тұңғыш Президенті – Елбасының

Баспасөз қызметі

Оқи отырыңыз:

ЕЛБАСЫ НАЗАРБАЕВ УНИВЕРСИТЕТІНІҢ ҮЗДІК ТҮЛЕКТЕРІНЕ ДИПЛОМ ТАПСЫРУ САЛТАНАТТЫ РӘСІМІНЕ ҚАТЫСТЫ 

ЕЛОРДАДА ОТЫЗЫНШЫ ЖЫЛДАРДАҒЫ САЯСИ ҚУҒЫН-СҮРГІН ЖӘНЕ АШАРШЫЛЫҚТЫҢ ҚҰРБАНДАРЫНА ТАҒЗЫМ ЕТІЛДІ

ХАЛЫҚАРАЛЫҚ БАЛАЛАРДЫ ҚОРҒАУ КҮНІНДЕ ҚАЗАҚСТАН ХАЛҚЫ АССАМБЛЕЯСЫНЫҢ «ТОҚЫМҚАҒАР» АКЦИЯСЫ ЖОЛ ТАРТАДЫ