Қазақстанның Тәжікстанға экспортының көлемі бірінші жартыжылдықта 6,9% - ке өсті

Қазақстан мен Тәжікстан арасындағы тауар айналымының көлемі 2023 жылдың бірінші жартыжылдығында 557,4 млн. АҚШ долларын құрады, деп хабарлайды El.kz ақпараттық агенттігі. 

Бұл 2022 жылдың бірінші жартыжылдығына қатысты 9,7%-ке, яғни, $617,2 млн-ға төмендеді.
 
Тауар айналымы көлемінің төмендеуінің себебі Тәжікстаннан импорттың 33,3% – ке, яғни $255,1 млн-нан $170,2 млн-ға дейін төмендеуі болып табылады. Бұл ретте, Қазақстаннан экспорт көлемі 6,9% - ке $362,1 млн-нан $387,2 млн-ға дейін өсті.
 
Ағымдағы жылы Қазақстаннан Тәжікстанға экспорттың негізгі көлемі бидайға түсті: жеткізу көлемі $104,4 млн немесе Тәжікстанға отандық экспорттың 27%-ін құрады. Бұдан әрі экспорт көлемі бойынша сұйытылған пропан ($39,3 млн), темірден немесе қоспаланбаған болаттан жасалған шыбықтар ($39 млн), алюминий оксиді ($23,4 млн) және күнбағыс майы ($18,9 млн) орналасқан. Жалпы, Қазақстаннан экспорттың құрылымы елеулі өзгерістерге ұшыраған жоқ.
 
Смартфондар экспортының (реэкспортының) 10,5 мың бірліктен 68,8 мың бірлікке дейін, кір жуғыш машиналардың 9,5-тен 31,5 мың бірлікке дейін айтарлықтай өскенін атап өтеміз.
 
Сонымен бірге тамақ қоспаларын жеткізу көлемі $12,2 млн-нан $345 мыңға дейін, бидай ұны 7,2 млн-нан 4,9 млн-ға дейін төмендеді. Мыс пен мырыш негізіндегі қорытпалардан құбырлардың экспорты толығымен тоқтады – $1,2 млн-нан.
 
Тәжікстаннан Қазақстанға импорттың төмендеуі мыс кендері мен концентраттарды жеткізу деңгейінің $93,7-ден $37,2 млн-ға дейін 2,5 есеге; мырыш кендері мен концентраттарды $67,6-дан $36,2 млн-ға дейін 1,9 есеге төмендеуіне байланысты болды. Бұл ретте $1,4 млн бастап күміс кендері мен концентраттардың, сондай – ақ сәбіз мен шалқанның импорты $1 млн-нан тоқтады. Жалпы, Тәжікстаннан импортталатын негізгі тауар кендер мен күміс концентраттары болып табылады. 

Сонымен қатар, Тәжікстаннан Қазақстанға жеткізілімдер негізінен шикізат тауарларынан, көкөністер мен жемістерден тұрады.