Қазақстандықтардың ең «сүйікті» көлігі анықталды

Қазақстанда 6,6 миллионнан астам көлік тіркелген. Алайда олардың үштен бірі 20 жылдан асқан ескі көліктер. Бұл туралы Ranking мәліметіне сілтеме жасай отырып El.kz интернет порталы хабарлайды.

Жалпы статистика

2025 жылдың 1 тамызына дейін Қазақстанда 6,6 млн автокөлік тіркелген. Бұл өткен жылмен салыстырғанда 19,5%-ға көп.

Олардың ішінде:

жеңіл көліктер – 5,7 млн (+17,8%),

жүк көліктері – 629,4 мың (+14,8%),

автобустар – 118,1 мың (+0,8%),

мотоциклдер мен басқа мототехника – 131,7 мың.

География

Ең көп жеңіл көлік Алматыда тіркелген – 695,6 мың (+18,3%).
Екінші орында – Алматы облысы (612,6 мың, +14,3%),
Үшінші орында – Астана (454,6 мың, +22,6%).

Ең аз көлік жаңа облыстарда: Ұлытау, Абай және Жетісу өңірлерінде.

Автопарктің жасы

Елдегі көліктердің басым бөлігі – ескі машиналар:

20 жылдан асқан – 2,4 млн (+11,2%),

10-20 жыл аралығы – 1,4 млн (+20,6%),

7-10 жыл аралығы – 599,4 мың (-0,5%),

3-7 жыл аралығы – 976,9 мың (+47,1%),

3 жылдан жаңа – 386,7 мың (+26,9%).

Яғни Қазақстандағы әр үшінші көлік 20 жылдан асқан.

Ең танымал модель

Қазақстан нарығында әлі де ең көп сұранысқа ие жеңіл көлік – Chevrolet Cobalt.