Қазақстандықтарды 167 млн теңгеге алдап, Арменияға қашқан әйел ұсталды

Армениядан қаржы пирамидасын басқарған тағы бір күдікті экстрадицияланды, деп хабарлайды El.kz ақпарат агенттігі. 

Бас прокуратура және Ішкі істер министрлігінің Интерпол қызметкерлері Қазақстан Республикасының Армениядағы Елшілігінің көмегімен қаржы пирамидасын басқарған Қазақстан азаматшасын қылмыстық жауапкершілікке тарту үшін елге экстрадициялады.

2019 - 2021 жылдар аралығында күдікті Қостанай облысындағы «Finiko» қаржы пирамидасының құрылымдық бөлімшесін басқарған, нәтижесінде жалпы сомасы 167 млн теңгеден астам сомаға қырыққа жуық жәбірленуші алданған.

Қылмыстық топқа қатысушылардың бір бөлігі бұрын жазаның әртүрлі түрлеріне сотталған, ал қылмыс жасалғаннан кейін күдікті Арменияда жасырынған және ол сол елде ұсталды. Қазіргі уақытта күдікті Ақтау қаласының тергеу изоляторына қамаққа алынды.

Айып тағылған қылмысты жасағаны үшін 7 жылға дейінгі мерзімге белгілі бір қызметпен айналысу құқығынан айыра отырып, мүлкі тәркіленіп, 5 жылдан  12 жылға дейінгі мерзімге бас бостандығынан айыру түріндегі жаза көзделген.